കട്ടപ്പന. കട്ടപ്പനയിൽ നിന്നും തേനിയിലേക്ക് പോയ കെ.എസ്.ആർ.ടി.സി ബസിലാണ് മോഷണ സംഭവം. കട്ടപ്പനയിൽ നിന്നും കയറിയ രണ്ട് യാത്രക്കാർ പുളിയൻമലക്ക് എത്തിയപ്പോൾ ബസിനകത്ത് മദ്യപാനം നടത്തുന്നത് കണ്ട കണ്ടക്ടർ അവരെ ചോദ്യം ചെയ്തു.
ചോദ്യം ചെയ്തതോടെ ഒരാൾ മുന്നിലേക്കെത്തി കണ്ടക്ടറുമായി വാക്കുതർക്കത്തിൽ ഏർപ്പെടുകയും, തുടര്‍ന്ന് കണ്ടക്ടർ മുൻസീറ്റിലേക്ക് പോകുകയും ചെയ്തു. യാത്രക്കാർ കുഴിതൊളുവിൽ ഇറങ്ങിയ ശേഷമാണ് മോഷണം നടന്നത് കണ്ടക്ടർ അറിഞ്ഞത്.
കണ്ടക്ടറുടെ വ്യക്തിഗത ബാഗ്, ടിക്കറ്റ് റാക്ക് (ഏകദേശം ₹1 ലക്ഷം രൂപയുടെ ടിക്കറ്റുകൾ അടങ്ങിയിരുന്നതായി സംശയം),ഇ.ടി.എം മെഷീൻ എന്നിവയാണ് മോഷണം പോയത്.. സംഭവത്തിൽ കട്ടപ്പന പോലീസ് കേസെടുത്ത് അന്വേഷണം ആരംഭിച്ചു.
