ഇന്ന് രാവിലെയാണ് അടിമാലി ടൗണിന് സമീപം അപ്സരാകുന്നിൽ തോട്ടിൽ മൃതദേഹം കണ്ടെത്തിയത്. നെടുങ്കണ്ടം സ്വദേശി പ്രദീപ് ആണ് മരിച്ചത്. മേസ്തിരിപ്പണിക്കാരനായ പ്രദീപ് കഴിഞ്ഞ കുറച്ചധികം കാലമായി അടിമാലിയിലാണ് താമസിച്ച് വന്നിരുന്നത്. തോട്ടിൽ കമിഴ്ന്ന് കിടക്കുന്ന നിലയിലായിരുന്നു മൃതദേഹം.സമീപത്ത് നിവർത്തിയ നിലയിൽ ഒരു കുടയുമുണ്ടായിരുന്നു. താമസസ്ഥലത്തേക്ക് പോകുന്നതിനിടയിൽ കാൽ വഴുതി തോട്ടിൽ വീണ് അപകടം സംഭവിച്ചതാകാമെന്നാണ് പ്രാഥമിക നിഗമനം. പോലീസ് നടപടികൾ സ്വീകരിച്ചു.
